سحر الأسماء
يناير 14, 2008
اسمك
يعني الكثير
يناسبك تماما
يعبر عنك
عن خلفيتك الثقافية
عن أهلك و عاداتهم
عن دولتك و المكان الذي ترعرت فيه
و كما قال اهل المثل
لكل امرئ من اسمه نصيب
هل جربت ان تغير اسمك ؟؟
عندما اتعرف على شخص جديد
الاسم يعطيني فكرة عن ملامح شخصيته
أحيانا اذا التقيت بشخص يحمل نفس الاسم لشخص اكرهه
يصعب علي ان اتقبله
بصعوبة يمكنني التعامل معه
ولكن لاحظ معي
اجمع في عقلك الاشخاص الذين يحملون نفس الاسم
الا تلاحظ تشابها كبيرا بينهم
اجل
انه الاسم و سحره
ربما ولكن ربما ليس مع أسمي أحمد, يمكن منشان موجود كتيــر
أنا بحب اسمي, كتران كتيــرزز (صاير مصدر مفتوح) هههه
يعني أنا بعتقد هيك وهيك يعني مو شرط, بس النسبة الكبيرة تكون الي الميل الي صفات الاسم
تحياتي
ربما ولكن ليس مع أسمي أحمد, يمكن منشان موجود كتيــر
أنا بحب اسمي, كتران كتيــر (صاير مصدر مفتوح) هههه
يعني أنا بعتقد هيك وهيك يعني مو شرط, بس النسبة الكبيرة تكون الي الميل الي صفات الاسم
تحياتي
وأنا كمان أضم صوتي لأبو حميد لأنو كمان أنا أسمي أحمد
قولتك لكن في تشابه بيناتنا … إي حلو
والله أنا من زمان خاطر عبالي ساوي منظمة لهالأحمدات .. عم اتخيل كيف حيكون شكلنا … يمكن مثل معمل تصنيع الرجال الأليين كلنا نفس الأسماء ونفس الأوصاف
عنجد، لما جيت أساعد أختي على اقتراح اسم للمولد الجديد بتلاقيني فوراً برفض اسم البنات يلي كانو غليظات أو بشعات، ما بعرف ليش؟
بس ما يكون في حدا اسمو علوش وزاعجك بشي
والله اسم احمد منتشر بشكل
كل ما وحدة من رفقاتي بتنخطب بقلها شو اسم خطيبك
المهم بيطلع أحمد يا جماعة غيرو
علوش و الله كان زميلنا بالجامعة اسمو علاء مسمي حالو علوش كمان
بس لا احمل شيء ضده لاني ما بعرفو شخصيا
مممممممم..
واحدة أخرى مممممممممممممم..
وثالثة مممممممممممممممممممممم..
لا أظن بأن الحكم على الشخص من خلال اسمه حتى لو كنا نعرف شخصاً آخر يحمل ذات الاسم.. فنحمل الشخص الجديد تبعات السوء أو حسن النية تجاهه نظراً لالتقائنا بشخص آخر في شريط الذاكرة.. هو أمر غير عقلاني نوعاً ما.. أليس كذلك؟!! ربما هو تفكير صبياني لا يليق بمثقف/مثقفة.. كوننا نحكم على الأشخاص من خلال عقولهم وقدراتهم الفكرية بعيداً عن أسماءهم وملامحهم التي لم ليس لهم يد في اختيارها..
على كل حال هذا رأيي.. ولي كامل الاحترام لرأيك..
انا اسمي نايثن.. ولا أظنك التقيتِ بشخصٍ يحمل اسمي.. ههههه
ترى ما هو الانطباع الذي سأتركه..
ود وورد لعينيك
مرحبا
خليني بس قول شغلة
انا
ما قلت بحكم
قلت ممكن اخد فكرة
بس
عنجد
الاسم بيعطي فكرة
بس مو كاملة طبعا
بس لما بتلتقي بشخص يحمل اسم تكرهه
عقلك الباطن بيخليك تبتعد شوي
مو عقلك الواعي
طبيعة انسانية
مزبط المنطق بيناقض هالشي
بس قول هالحكي لعقلك الباطن
و بعدين الشخص الجديد مسؤول عن فكرة جديدة يمنحها لك
يعني انا بكره س
لو شفت وحدة تانية اسمها س
ما رح اكرهها ع طول
رح كش منها
بس ما رح قلها انقلعي من وشي
بستنى و بشوف