لن يغير الله ما بنا حتى نغير ما بأنفسنا

 السلام عليكم

صباح الخير

مساء الورد

ما تريدونه من تحايا الصباح أو المساء

منذ فترة …….. لا أعرف لماذا زاد احتكاكي و اهتمامي بأوضاع شبابنا من كلا الجنسين

و صدف بأن التقيت بمجموعات منهم

التقيت بصديقات بنت خالتي التي تصغرني بخمس سنين

و كان لي معهن حديث قصير ، لكنه شيق

المهم ، هذا جزء منه

و احذركم

من ( تلوع جبده ) من التفاهة فلا يقرأه

لأنه أكيد رح (يرجع) (يستفرغ) أو شو ما كان

س :

عنجد شو مواصفاتك بشب أحلامك ؟؟

ج : ههههههه أنا بدياه عالموضة

يحط سلاسل

بنطلون زاحل

بديات

 يلعب رياضة

ههههههههه

و إنتي

_ ممممممممم أنا بدياه أشقر عيونه زرق

(و يا ريتها شقرا

و عمتتشرط كمان)

_شو كيف دراسة البكلوريا

_ عنجد ما في وقت شو بدنا نعمل يمكن عيدها كمان هالسنة و الله عميصعبو الامور علينا الله لا يوفقن

_يالله هلا امي بتقلق علي طولت

_ خليها تولي

المهم خلاصة الحديث القصير السابق

جيل من الفتيات التافهات و اللاتي تتزوج الكثير منهن في هذا السن

لم تذكر واحدة منهن التدين أو الأخلاق في صفات عريسها المستقبلي

لا بأس في الاهتمام بالشكل انه حقها

و لكن هل اولوياتك هي هذه

و أي زواج يبنى على هذا

اهمال

عقوق

القاء اللوم على النظام عند الفشل

لمحة أخرى:

سمعت أخي يتحدث عن قعدات القهوة مع خالي

يقول

:بتعرف يا خالو

منقعد بالقهوة خمس ساعات منلعب شدة يا زلمة ما منمل

والشباب كلن بيدخنوا ما عداي

مباريات

دخان

قهوة

شدة

و بآخر شي ما أسسنا حالنا لأنو الدنيا صعبة

لو استثمر هذا الوقت في شيء ايجابي

ماذا ستكون النتيجة ؟؟؟؟؟؟؟

و فهمكم كفاية